Regras básicas da construción natural
Estas regras son unha listaxe proposta e recollidas da man de Andrés Martinez.
En relación cos materiais de construción:
- Materiais naturais e non adulterados.
- Materiais inodoros ou de cheiro agradable que non emitan sustancias tóxicas.
- Materiais de baixa radioactividade.
- Protección acústica e antivibratoria orientada ás persoas.
En relación co ambiente interior:
- Regulación natural da humidade atmosférica interior mediante o uso de materiais higroscópicos.
- Minimización e disipación rápida da humidade da obra nova.
- Proporción equilibrada de illamento térmico e acumulación de calor.
- Temperaturas óptimas das superficies e do aire ambiente.
- Boa calidade do aire ambiente grazas a unha renovación natural.
- Calor radiante para a calefacción.
- Alteración mínima da contorna da radiación natural.
- Ausencia de campos electromagnéticos e ondas de radio en expansión.
- Redución da presenza de fungos, bacterias, po e alérxenos.
En relación co medio ambiente, enerxía e auga:
- Minimización do consumo de enerxía aproveitando ao máximo fontes de enerxía renovables.
- Materiais de construción procedentes, preferiblemente, da rexión e que non favorezan a explotación abusiva de materias primas escasas ou perigosas.
- Prevención de problemas para o medio ambiente.
- Calidade óptima posible da auga potable.
En relación co terreo:
- Ausencia de pertubacións naturais e artificiais no terreo.
- Vivendas afastadas de fontes de emisións contaminantes e ruídos.
- Método de construción descentralizado e flexible en espazos axardinados.
- Vivenda e contorna residencial, moi relacionados coa natureza, dignos e compatibles coa vida familiar.
- Ausencia de secuelas sociais negativas.
A aposta da construción natural por construír coa vida é firme e responde o impulso que, unha vez sentido, xa non é posible reprimir.
Chegou a hora de CONSTRUÍR FOGARES CHEOS DE SAÚDE.